Sondos reviewed Elden Ring

أنا فاهم الناس بتحبها ليه وأنا مش منهم. ١١ ساعة وسبتها عند الفارس التاني الكبير.

اللعبة جميلة، والعالم تحفة إنك تلف فيه، وكل ٢٠ دقيقة حاجة بتقتلني بضربة واحدة وبعدها أجري ٤٠ ثانية عشان أرجع مكاني. أنا معايا ساعة في اليوم بالكتير، والساعة دي مينفعش تبقى YOU DIED ست مرات ومفيش أي تقدم.

دي مش عيب في اللعبة، دي إن اللعبة مش على مقاس حياتي. بس أنا بقيّم تجربتي، وتجربتي كانت ضغط دم.

C مش إهانة. C يعني "واضح إنها عظيمة وواضح إنها مش ليا".