Everything mario_fady has written on BlipList.
Completed · PC
لعبة من ٢٠٠٤ وفيها محتوى أكتر من ألعاب بتنزل النهاردة بـ ٧٠ دولار. تقدر تروح الجيم، وتاكل لحد ما تتخن، وتتعلم تطير طيارة، وتشتري بيوت، وتلعب بلياردو، وتسوق قطر، وتنط بالباراشوت من فوق جبل. وكل ده سنة ٢٠٠٤ على PS2. الخريطة فيها تلات مدن مختلفة بالكامل في الشكل والموسيقى والناس. الجرافيكس دلوقتي وحشة، مفيش نقاش. وبرضه S. لأن الطموح اللي في اللعبة دي لسه أكبر من ٩٠٪ من اللي بينزل.
Completed · PC
أحسن من San Andreas في كل حاجة تقنية، وأقل منها في الحاجة الوحيدة اللي فارقة: إنها كانت لعبتنا. GTA V أنضف وأجمل وأكبر. بس San Andreas كانت اللعبة اللي كنا بنتقلها من بعض على فلاشة في سنتر النت، وكل واحد فينا كان عارف كود تاني، وكان فيه واحد في المدرسة بيحلف إن فيه Bigfoot في الغابة. GTA V لعبة أحسن. San Andreas ذكرى أحسن. وأنا مش هعتذر عن التير.
Dropped · PC
أنا لسه بلعب PES 6 بالباتشات لحد النهاردة. لعبة من ٢٠٠٦. يعني الشركة قضت ١٨ سنة عشان تعملي حاجة أوحش من اللي عملوها وأنا في الإعدادي. ده مش تراجع، ده إنجاز عكسي محتاج تخطيط. الـ D عشان الـ gameplay لسه فيه أثر من الروح القديمة. لولا كده كانت F.
Completed · PC
عشرين سنة وEA لسه بتحاول تعمل Most Wanted تاني وفاشلة، والسبب إنها مش فاهمة اللعبة كانت شغالة ليه. مكنش الموضوع العربيات ولا الـ tuning. الموضوع كان المطاردة. البوليس كان بيتصعّد عليك بالتدريج، من عربية واحدة لحد ما يبقى فيه هليكوبتر وحواجز، وانت بتعرف الخريطة كويس لدرجة إنك تعرف تدخل منين عشان تفلت. الـ pursuit breakers كانت بتخليك تحس إنك في فيلم. الفلتر الرمادي المزرق ده وقتها كان بيتضحك عليه، ودلوقتي هو الهوية البصرية للعبة. S ومش هراجع نفسي.
